Bugun,

  • USD 11095.31
  • RUB 173.84
  • EUR 10772.44

Fitnes murabbiyi, harakatlanish bo‘yicha mutaxassis, “Masha.fit” onlayn o‘quv loyihasi asoschisi Mariya Blinova bel og‘rishining ko‘pchilik bilmaydigan sabbalari haqida ma’lumot beradi.

Foto: Getty Images

Foto: Getty Images

Noto‘g‘ri nafas olish

Ko‘pchilik qorin, ko‘krak orqali yoki elka va bo‘yin orqali nafas oladi. Orqa va bel ham nafas olishini ko‘pchilik bilmaydi ham. Nafas olish ham oddiy, ham murakkab jarayon. Asosiy nafas olish organi diafragma bo‘lib, u harakati tufayli o‘pkaga havoni nafas olish/chiqarish imkonini beradi. Diafragma tos diafragmasi va qorin mushaklari bilan birgalikda ishlaydi, ya'ni nafas olish va chiqarishning har bir harakati butun ko‘krak va qorin bo‘shlig‘ida harakatni hosil qiladi. Qovurg‘alar, qorin bo‘shlig‘i, orqa va beldagi bosim, agar tananing bu qismlari siqilmasa, teng taqsimlanadi. Aks holda havo qarshilik kamroq bo‘lgan joyga yo‘naltiriladi.

Agar belingiz nafas olishda ishtirok etmasa, uni to‘qima hujayralariga ozuqa moddalarini optimal yetkazib berishdan va parchalangan mahsulotlarining chiqib ketishidan mahrum qilasiz.

Kuraklar harakatsizligi

Yelkaning har bir harakati kurakdan boshlanadi. Agar kuraklar harakatsiz bo‘lsa yoki yopishib qolgan bo‘lsa-chi?

Kuraklar ko‘p sonli mushaklar bilan o‘ralgan bo‘lib, ular nafaqat orqa tomonda, balki qorin bo‘shlig‘iga o‘tadi. Shunday qilib, kuraklar harakatining buzilishi mushaklarning nomutanosibligini keltirib chiqaradi. Natijada orqa mushaklar orkestri muhim instrumental qismni yo‘qotadi va endi “ovoz” yaxshi chiqmaydi.

Noto‘g‘ri qadam tashlash

Mashhur qo‘shiqda aytilganidek, “Men sevgilimni yurishidan taniyman”. Darhaqiqat, har birimiz o‘ziga xos harakat uslubiga egamiz.

Qadam — bu boshqariladigan oldinga harakat qilishdir. Har bir qadam ko‘krak sohasi aylanishi va yelkani oldinga tashlash bilan boshlanadi, so‘ngra oyoqdan pastga tushadi. O‘ylab ko‘ring: yurganingizda ko‘kragingiz qimirlayaptimi? Yoki sumkangizni yelkangizga osib, boshingizni yerga egib, ishga shoshilib ketyapsizmi? Bunaqasi ketmaydi, ayniqsa bunday holatda 10 ming qadamni muvaffaqiyatli bosib o‘tdim deb o‘ylasangiz. Bunday hollarda nafaqat bel, balki bo‘yin va yelkalar ham og‘riydi.

Izoh
Asosiy yangiliklar
Mahalliy
Farg‘onada ayol o‘zini IIB binosi oldida yoqib yubormoqchi bo‘ldi
Dunyo
Amerikaliklar “Qora juma”da onlayn xaridlarga rekord darajada ko‘p pul sarfladi
Mahalliy
Toshkentda madaniyat uyi yongani rad etildi. U yerda xodimlar shashlik pishirish uchun ko‘mir yoqqan (video)