Iftorlik dasturxoni uchun: Qatiq qo‘shib tayyorlanadigan pechenye retsepti

Oddiy retsept bo‘yicha qatiq qo‘shib pechda tayyorlanadigan pechenye mazali ta’mga ega va juda yumshoq bo‘ladi. Bu shirinlik  bolalarga ham, kattalarga ham yoqadi.

Kerakli masalliqlar:

• tuxum — 1 dona;
• shakar — 2-3 osh qoshiq;
• tuz — 1 chimdim;
• qatiq — 100 ml;
• o‘simlik yog‘i — 50 ml;
• un — 250-280 g va ustiga sepish uchun;
• pishiriq kukuni — 1 choy qoshiq.

Tayyorlanishi:

1. Tuxumga 1-2 osh qoshiq shakar, tuz, qatiq va yog‘ qo‘shib, yaxshilab ko‘pirtiring;
2. Unni elakdan o‘tkazing, pishiriq kukuni bilan aralashtiring. Qatiqni solib xamir qoring;
3. Stolga un seping. Xamirni taxminan 1 sm yoki biroz kamroq qalinlikda yoying;
4. Shakar seping va rulonga aylantirib oling;
5. Xamirni kichik to‘rtburchak shaklida kesib oling. Buni maxsus xamir kesiladigan pichoq bilan qilgan ma’qul;
6. Listni pishiriq qog‘ozi bilan o‘rang. Bo‘sh joylarga pishiriqlarni qo‘ying;
7. Qatiq qo‘shilgan pishiriqlarni 180 daraja haroratda oldindan qizdirilgan pechda qizarguncha taxminan 15 daqiqa davomida pishiring.

Yoqimli ishtaha!